Erlendar úttektir korthafa eru umreiknaðar beint úr kauplandsmynt yfir í íslenskar krónur á því gengi sem í gildi er hjá VISA International á þeim degi sem úttektin berst frá seljanda. Algengt er að erlendar færslur berist VALITOR frá seljanda nokkrum dögum eftir kaupdag. Einnig ber að hafa í huga að bankafrídagar hérlendis eru ekki endilega frídagar erlendis og breytingar geta orðið þá daga á gengi krónunnar þó upplýsingar um það komi ekki fram t.d. á heimasíðum bankanna.

Kreditkort er greiðslumiðill líkt og seðlar. Samanburðarhæft gengi er að öllu jöfnu seðlagengi banka og sparisjóða.

Athugið að gengi færslu getur verið annað en fram kemur í töflunni ef sú mynt sem notuð er í viðskiptum er önnur en heimamynt kauplands. Það getur t.d átt við ef keypt er fyrir dollara í Bretlandi eða evrur í Bandaríkjunum.

Upplýsingar um gengi helstu gjaldmiðla í viðskiptum eru uppfærðar þriðjudaga, miðvikudaga, fimmtudaga, föstudaga og laugardaga. Uppfærsla getur raskast ef um innlenda eða erlenda frídaga er að ræða.